Աքսաննա Եգորյանը «Ոսկեփորիկ» զարգացման կենտրոն է այցելել 2019 թվականից։ Ծնված օրվանից երեխան ունեցել է քայլքի հետ խնդիրներ։ Երեխայի մայրը՝ Աստղիկ Դավթյանը հիշում է՝ 9 տարի շարունակ այցելել են տարբեր կենտրոններ, բայց ապարդյուն, անգամ երեք տարի դադարեցրել են կենտրրոններ այցելելը՝ մինչև «Ոսկեփորիկ» զարգացման կենտրոնի մասին իմանալը։ Կենտրոն, որը վերականգնեց իրենց հավատը, տվեց ուժ և առաջ գնալու ձգտում։ Ահա՝ ինչպես է երեխայի մայրը նկարագրում իրենց անցած դժվարին, բայց հաջողությամբ լի ուղին.
««Ոսկեփորիկ»-ը մեզ տվեց ուժ և առաջ գնալու ձգտում: 3 տարի շարունակ Աքսաննաս պայքարեց ու պայքարեց ու այդ պայքարի արդյունքում դարձավ լրիվ ինքնուրույն, համարձակ, ուժեղ, պայքարող և ձգտող այնպիսի աղջիկ, որին ես ինքս չէի հավատում:
Աքսաննաս ունի մի ցանկալի երազանք՝ դառնալ հոգեբան, որպեսզի օգնի այլ երեխաների: Ես շատ վստահ հավատում եմ, որ իմ երեխան «Ոսկեփորիկ»-ի օգնությամբ կհասնի նպատակին»:
